وزارة لمكافحة البنات

يوجد نائب بمجلس الشعب اسمه سمير موسى طالب بانشاء وزارة

لمكافحة الفساد..فى رأيى ان القرار ده جرئ ومفيد .. فلو قامت

هذه الوزارة فعلا بمكافحة الفساد بجدية وصدق

فلن يبقى سواها .. مش هايفضل غيرها طبعا ..

على غرار هذه الوزارة أطالب بانشاء وزارة تكافح فساد البنات فقط ..

يعنى نعمل زى ماليزيا ونفرض غرامات على اى بنت

ماشية فى الشارع بلبس ساخن او اى لبس مش

كويس ومخالف للدين .

طبعا احنا لو عملنا كده هانسدد ديون مصر كلها .. وديون اى دولة فى العالم ...
اى دولة فى العالم ايه بس .. هو فيه حد مديون غيرنا اصلا؟
طبعا لو عملنا وزارة زى دى هانحتاج مجهود جبار يعادل

مجهود جميع الوزارات الأخرى.. عشان هانحتاج

ناس من الحكومة فى كل شارع وفى كل مكان

عشان يقدورا يمسكوا البنات اللى

مش ماشية مظبوط دى كلها

وطبعا عايزين سجون كتيره وواسعه عشان تساعى الاعداد المهولة اللى هاتستقبلها ..

اتهيألى لو احنا عملنا كده وقبضنا على البنات دى هانستريح كتير ..

وعلى الاقل مش هانرتكب ذنوب

وكمان هانحتاج وسائل مواصلات كتيره عشان نقدر ننقل الاعداد دى ..

يعنى هانحتاج لأتوبيسات نقل عام وميكروباصات كتير ..

وياريت لو فيه طيارات كمان عشان نقدر ننقلهم

لجوانتانامو أو سجن ابو غريب عشان يتعلموا

الأدب هناك.

وساعتها الشوارع هاتبقى فاضية وهادية ومافيهاش اى حد..

وبكده ضربنا كام عصفور بحجر واحد

نبقى قضينا على الفسق والخلاعة اللى بتحصل فى الشوارع وكمان نبقى

قضينا على مشكلة المواصلات وعلى المعاكسات

والمضايقات والتحرش الجنسى ..

يعنى مش هايبقى فيه تحرش اللى واجعين دماغنا بيه ده ولا معاكسات ولا مضايقات ..

بمناسبة التحرش شفتوا النساء بيقولوا ايه ؟

لما قالوا للنساء انهم السبب فى التحرش عشان اللبس الخادش للحياء بتاعهم

قالوا مش السبب اللبس .. عشان الراجل الشرقى لما بيسافر بره

بيشوف مناظر اكتر من كده ورغم كده مش بيفكر يتحرش

بأى حد هناك .. يا سلاااااااام !!!!!!!!!!!!!!!
شفتوا المبرر ؟

انا شايف طبعا ان اللى بيخللى الشاب يتحرش بواحدة ست لبسها الضيق

اللى بيثيره ..طبعا ده مش مبرر للشاب انه يعمل كده واكيد طبعا هو

غلطان ولازم يتعاقب بس كمان لازم البنت تتعاقب زيه عشان

هى اللى دفعته لكده ..

وبيقولوا فى الاخبار ان مصر من اولى الدول فى العالم فى نسبة

التحرش بالنساء ..طبعا ده علشان مصر من اولى دول العالم

فى نسبة البنات اللى بيلبسوا لبس مثيرر .. وكمان مره باقول

ان ده مش مبرر للشاب بس العقاب المفروض للطرفين...

كما جاء في الحديث : " من دعا إلى هدى كان له من الأجر مثل أجور من اتبعه لا ينقص ذلك من أجورهم شيئًا , ومن دعا إلى ضلالة كان عليه من الإثم مثل آثام من اتبعه لا ينقص ذلك من آثامهم شيئًا "
وطبعا باللبس الوحش ده يعتبر بيدعوا اللى ضلالة..

وفى حاجة محدش واخد باله منها .. انهم بيتكلموا عن التحرش من طرف واحد ..

يعنى الراجل فقط هو اللى مدان فى موضوع التحرش .. مع ان فى

حالات تحرش كتير بتحصل من جانب النساء ومحدش بيتكلم
عنها .. وحصل الموضوع ده مع ناس كتير ..

ولو واحد اتكلم وقال ان فيه واحدة بتتحرش بيا .. هايقولوا

عليه مجنون .. اما لو واحدة اتكلمت وبلغت

عن شخص حتى لو كان إفك وبهتان ..

هايصدقوها طبعا..

وبكده بعد ما كنا بننادى بحقوق المرأة المظلومة ..

دلوقت المفروض ننادى بحقوق الرجل
اللى تاهت وسط الحقوق المزعومة للمرأة .. وعايزين اللى يقف معانا
وياخدلنا حقنا من المرأة المفترييييييييييييييييييييييية ...

يا سلام على حبى وحبك !!

ايه هو الحب فى وجهة نظر الشباب والبنات ؟

سؤال وجهته لنفسى بعد ما شفت ان كتير من البنات فاهمينه غلط ..

يعنى البنت تلاقيها تقيم علاقة غير شرعية مع شاب تقولها كده غلط وحرام..
تقولك هو الحب حرام؟

طبعا ربنا مش هايحرم الحب لكن بيحرم العلاقات الغير شرعية دى..

ماتجيش بقى نتكلم عن الحب بمفهومه المطلق..

وبنات اليومين دول شايفين انهم لو ماحبوش قبل الجواز ولفوا الشوارع والميادين

مع الشخص اللى بيحبوه مايبقاش حب.. وان لما حد يتقدملها ويطلب ايديها

يبقى جواز صالونات ..تصوروا الجواز الشرعى بقى فى وجهة نظرنا جواز

صالونات وتخلف ورجعية ..اما الحب السرى والجواز السرى

اللى من ورا الاهل والناس هو ده التقدم اللى احنا بنفتخر بيه اليومين دول

بسم الله ما شاء الله بقى فيه افراط فى الحب .
تلاقى البنت من دول تمشى تحب على نفسها وماتزعلش حد منها ابدا..
وتحب اولاد الجيران وفى الشارع وفى المدرسة وعلى التليفون وعلى النت..

بقى فيه موجة حب بتغمر البلاد دلوقت ..وتلاقيهم بيحتفلوا بعيد
الحب اكتر من عيد الفطر وعيد الاضحى ..يعنى اى شاب يقولها

انا بحبك ..تقوله وانا كمان ..

لو مسكت الموبايل بتاعها تلاقى عليه نمر شباب مصر كلهم ..

ولو فتحت الايميل بتاعها تلاقى عدد الشباب اللى فيه

اكتر من عدد رواد الياهو

والهوتميل والاسكاى بى والكامفروج كمان..

والبنت مش تحب الولد عشان اخلاقه ولا ادبه ولا تدينه ..لأ طبعا

تحبه عشان وسيم وجميل وخلاص.

فى حكمة بتقول : ليس كل جميل جميلا ..

بس البنات بيشوفوا الجمال من منظور واحد ..

انا شايف ان معظم البنات عندهم فراغ فكرى وثقافى ودينى..

ومش لاقيين حاجة تشغلهم غير الحب الوهمى اللى

اخترعوه لنفسهم ..

والبنت شايفه انها ماينفعش ماتكونش محبوبة من شباب كتير ..

عيب فى حقها بجد ..ويبقى منظرها ايه قدام صديقاتها

لو ماحدش بيحبها وتحبه ..البنت تقول لنفسها : بقى انا البنت الأمورة الدلوعة الجميلة مايكونش فى شباب بيحبونى .. يا للفضيييييييييييحة

أنا أشك اذا انا مخنوق

طبعا كل واحد فينا بيحلم انه يتجوز وانه يلاقى شريكة حياته اللى تخاف عليه وتحبه وتصونه ..
لكن لما يحس انها مش هاتصونه او يشك فيها .. ساعتها طبعا

مش هايفكركتيرفى الجواز ..

والشك ده بقى من ايه ؟ طبعا من اللى بيحصل فى الشوارع والميادين من البنات
من لبس ضيق وعريان . وتلاقى صوتها اعلى

من صوت التليفون الصينى

وتلاقى واحدة فيهم تقول : مش الواد كلمنى امبارح بالليل واعتذرلى على اللى عمله

..والتانية تقول : انا بقى مش عارفه الولد ده اجيبه ازاى .. بس هاجيبه يعنى هاجيبه وهايقع يعنى هايقع..

والتالته تقول : انا اللى حظى وحش .. تصوروا لغاية دلوقت ماعرفتش اظبط غير 10 شباب بس؟

والرابعة تقول : ماسمعتوش اغنية تامر عاشور الجديدة .. يااااااى دى نايس خالص..

والخامسة تقول : ماشوفتوش الفيلم الأجبنى اللى كان فى السهرة امبارح على الموفى تشانل؟دا كان فيه حاجاااات ماقلكوووووووووش

واللى يعيش ياما يشوف من البنات .. انا اشتغلت فترة فى نت كافيه وكان موجود فيه
سبع اجهزة .. اللى قاعد على الأجهزه كلها بنات ..وكانوا يزوغوا من المدارس
بتاعتهم ويروحو النت كافيه عشان يكلموا شبابعلى الشات والأكتر والافظع
من كده انى ظبطت كذا بنت داخلين على مواقع مش كويسة ..
ولما ينتهى معاد المدرسة يرجعوا لبيوتهم تعبانين طبعا من كتر المذاكرة والمجهود الجبار اللى بذلوه فى المدرسة ..وتلاقى ام البنت من دول لما تشوف بنتها راجعة من المدرسة تقولها :مالك يا حبة عينى هفتانة كده ليه ؟ زمانك ما أكلتيش من الصبح ..

وامها مش عارفه انها مابطلتش أكل من ساعة ماخرجت..وشوية والاقى بنات داخلين
بعد الضهر وخارجين من بيوتهم على انهم رايحين دروس خصوصية ..
طبعا دروس وهمية .. وياخدوا فلوس الدرس الوهمى ده ويقعدوا بيه

على النت وياكلوا ويشربوا ويهيصوا ..

والاهل نايمين فى سابع نومة ومش عارفين بنتهم بتاخد درس فين ولا عند مين

او حتى درس ايه ..وحوار تاانى سمعته افظع من كده .. وكل ده

وهما فى الشارع امال لو مع بعض فى مكان مغلق هايقولوا ايه

ولا هايعملوا ايه؟

المهم .. واحدة منهم قالت : انا نفسى البس جيبة قصيرة !!

والتانية قالت : انا نفسى البس بكينى وانزل البحر او حمام السباحة..

والتالتة قالت : انا نفسى اجيب البادى الاحمر اللى انا قلتلك عليه دا هاياكل

من جسمى حته..

مافيش واحدة فيهم تقول انا نفسى أعقل او نفسى افوق من اللى انا فيها أو

واحدة تقول انا نفسى اتوب وارجع لربنا بدال البلاوى اللى بنقولها وبنعملها دىىىىىىىى!!!