ايه هو الحب فى وجهة نظر الشباب والبنات ؟
سؤال وجهته لنفسى بعد ما شفت ان كتير من البنات فاهمينه غلط ..
يعنى البنت تلاقيها تقيم علاقة غير شرعية مع شاب تقولها كده غلط وحرام..
تقولك هو الحب حرام؟
تقولك هو الحب حرام؟
طبعا ربنا مش هايحرم الحب لكن بيحرم العلاقات الغير شرعية دى..
ماتجيش بقى نتكلم عن الحب بمفهومه المطلق..
وبنات اليومين دول شايفين انهم لو ماحبوش قبل الجواز ولفوا الشوارع والميادين
مع الشخص اللى بيحبوه مايبقاش حب.. وان لما حد يتقدملها ويطلب ايديها
يبقى جواز صالونات ..تصوروا الجواز الشرعى بقى فى وجهة نظرنا جواز
صالونات وتخلف ورجعية ..اما الحب السرى والجواز السرى
اللى من ورا الاهل والناس هو ده التقدم اللى احنا بنفتخر بيه اليومين دول
بسم الله ما شاء الله بقى فيه افراط فى الحب .
تلاقى البنت من دول تمشى تحب على نفسها وماتزعلش حد منها ابدا..
وتحب اولاد الجيران وفى الشارع وفى المدرسة وعلى التليفون وعلى النت..
تلاقى البنت من دول تمشى تحب على نفسها وماتزعلش حد منها ابدا..
وتحب اولاد الجيران وفى الشارع وفى المدرسة وعلى التليفون وعلى النت..
بقى فيه موجة حب بتغمر البلاد دلوقت ..وتلاقيهم بيحتفلوا بعيد
الحب اكتر من عيد الفطر وعيد الاضحى ..يعنى اى شاب يقولها
انا بحبك ..تقوله وانا كمان ..
لو مسكت الموبايل بتاعها تلاقى عليه نمر شباب مصر كلهم ..
ولو فتحت الايميل بتاعها تلاقى عدد الشباب اللى فيه
اكتر من عدد رواد الياهو
والهوتميل والاسكاى بى والكامفروج كمان..
والبنت مش تحب الولد عشان اخلاقه ولا ادبه ولا تدينه ..لأ طبعا
تحبه عشان وسيم وجميل وخلاص.
فى حكمة بتقول : ليس كل جميل جميلا ..
بس البنات بيشوفوا الجمال من منظور واحد ..
انا شايف ان معظم البنات عندهم فراغ فكرى وثقافى ودينى..
ومش لاقيين حاجة تشغلهم غير الحب الوهمى اللى
اخترعوه لنفسهم ..
والبنت شايفه انها ماينفعش ماتكونش محبوبة من شباب كتير ..
عيب فى حقها بجد ..ويبقى منظرها ايه قدام صديقاتها
لو ماحدش بيحبها وتحبه ..البنت تقول لنفسها : بقى انا البنت الأمورة الدلوعة الجميلة مايكونش فى شباب بيحبونى .. يا للفضيييييييييييحة
هناك تعليقان (2):
انا بس حابه انى اعلق على كلمة ان البنت بتختار الولد لانه وسيم وبس
هو مش عيب ان البنت تحب الولد لوسامته لان زى الولد من حقه يختار البنت حلوه واخلاقها كمان حلوه هى كمان من حقها تختار زوج وسيم ولو بعض الشئ و قد ورد في بعض الأحاديث : ( تخير لنطفكم فإن العرق نزاع )
العيب ان البنت تختار الولد وتحبه لوسامته وفقط متفكرش فى اخلاقه و هو يناسبها ولا لا ..
بسم الله والصلاة والسلام على سيد الخلق سيدنا محمد صلى الله عليه وسلم وبعد انا مع حضراتكم فى كل الى اتكتب عن البنات رغم من ان حضرتكم محاملين عليهم زيادة لو بمعنى تانى ذاكرين اخطاء طرف والطرف الاخر مش مذكور ليه اخطاء فة سؤال بيتردد كتير اوى على لسان الشباب والبنات (الجواز التقليدى افضل ام جواز الحب؟)مع ان اجابة السؤال ده موجود فى مجتمعنا لو شوفنا وفتشنا في المجتمع هنلا قي ان نسب الطلاق كل سنة لاء كل شهر لاء كل يوم فى زدياد رهيب وده نتيجة جواز الحب يعنى الشاب دلوقتى ماينفعش يتجوز عير واحدة يكون عارفها ودارسها ماتقولش بيدرس دكتوراة بالله لو بيدرس دكتوراه ما هيدرسها بالتفوق ده انا من راى جواز السنة النبوية والشريعة الاسلامية هو افضل زواج الى دلوقتى اسمه الجواز التقليدى(الصالونات)لانده بيزيد من احترامهم لبعضهم البعض بعكس الزواج الاخر بعد فترة من الزواج الزوج يبدا يشكى والزوجة من تغير الحب بعد الزواج لان مافيش مشاعر واحاسيس جديدة يقدموها لبعض لان المشاعر البرءة الصادقة هى اجمل مشاعر مافيش جديد كله بقت حياة مملة بس ده مايمنعش ان الانسان يحب ويتحب بس فى اصول الدين قال الله تعالى بسم الله ارحمن الرحيم (من اسطاع منعم الباء فايتزوج فان لم يستطع فعليه بالصيام) صدق اله العظيم
0
إرسال تعليق